ماني فيللوز

!!!! خلي بالك !!!! يجب عليك أن تحافظ علي بياناتك ( أي حد يقولك تعالي خاص ، أو قولي أرقام الفيزا X بلاش X ) .

هشرحلك هنا كل حاجة عن تطبيق ماني فيللوز ، و في الخطط الإستثمارية هشرحلك إزاي تحصل من التطبيق علي عائد أعلي من البنوك .

ماني فيللوز هو تطبيق بدأ في مصر سنة 2017 و لديه الآن أكثر من 7 مليون مستخدم منهم أكثر من نصف مليون مستخدم نشط ، فهو أول تطبيق يقوم بعمل فكرة الجمعيات المعروفة منذ عشرات السنين بين الشعب المصري و لكن الجمعيات تكون بطريقة إلكترونية ، حيث أنك تستطيع الإشتراك في جمعية و تختار المبلغ و عدد الأدوار و الدور الذي تريده في أي وقت و كل ده بخطوات بسيطة من موبايلك ، و التطبيق تحت إشراف المختبر التنظيمي لتطبيقات التكنولوجيا المالية التابع للبنك المركزي المصري ، و الشركة مسجلة في الهيئة العامة للإستثمار بسجل تجاري رقم 141331 و بطاقة ضريبية رقم 535694 ، و بالنسبة لحكم الشرع فطبقاً للفتوي رقم 46205 من دار الإفتاء المصرية جمعيات ماني فيللوز Money Fellows حلال و تخضع لأحكام الشريعة الإسلامية و لا يوجد فيها أي حرمانية ، و بالنسبة للثقة في باقي المستخدمين فتجد أن كل مستخدم بيوقع عقد قانوني بمجرد الإشتراك في أول جمعية له ، و ده للحفاظ على حقوقك و حقوق كل المستخدمين و في حالة تخلف بعض المشتركين عن دفع أقساطهم أو خروج أحد المشتركين من الجمعية بتقوم ماني فيللوز Money Fellows بتغطية الأدوار دي عشان قبضك يجيلك كامل ، و أيضاً في حالة عدم إكتمال الجمعية تقوم الشركة بتغطية الأدوار غير المكتملة عشان تضمن وصول المبلغ كامل لكل المشتركين ، و كمان فيها خصوصية يعني مفيش أي حد يقدر يعرف أي حاجة عن حسابك أو هتقبض كام أو أمتي غيرك أنت .

في الجمعيات التقليدية لتحصل علي الدور الثاني مثلاً ، يشترط عليك منظم الجمعية أخذ الدور الأخير مع الثاني أو إختيار دور واحد في المنتصف ، و يجب أن يكون منظم الجمعية شخص ذو ثقة و يجب أن يثق في جميع المشتركين معه و لو كل المستخدمين قاموا بإختيار الأدوار الأولي مين اللي هياخد الأدوار الأخيرة أو التي في المنتصف ؟ و لذلك حينما يختار المستخدم الأدوار الأخيرة يعطي له التطبيق خصومات بنسب مختلفة ( و هذا الخصم هو ما نريده في خططتنا الإستثمارية ) .

• الجمعيات متوفرة دائماً طول الوقت بضغطة واحدة من على موبايلك .
• أقساط بتبدأ من 125 جنيه شهريًا في نظام التحويش ، و أقساط تبدأ من 250 جنيه شهرياً في نظام الجمعيات .
• مبالغ تصل إلي مليون جنيه في نظام التحويش ، ومبالغ تصل إلي 120000 جنيه في الجمعية الواحدة في نظام الجمعيات ( و تستطيع من خلال خططتنا الإستثمارية زيادة هذا المبلغ ) .
• مدد مختلفة 6 شهور ، 10 شهور ، 12 شهر في نظام الجمعيات ، وفي نظام التحويش تكون المدد 6 شهور ، 12 شهر ، 24 شهر ( و من خلال خططتنا الإستثمارية سيكون أفضلهم في العائد تحويش 6 شهور و جمعية 10 شهور ، و إختيار الدور الأخير ) .
• مش مقيد بدايرة معارفك أو موقعك الجغرافي .
• تقدر تنضم لأكتر من جمعية في نفس الوقت ( و هذا هو ما نريده في فكرتنا ) .
• فيها خصوصية و مش كل اللي حواليك عارفين هتقبض كام أو أمتى .
• آمن ، لأن كل المستخدمين بيوقعوا عقد قانوني للحفاظ على حقوقك و حقوقهم بكل أمان .
• واجهة التطبيق بسيطة و سهلة الإستخدام .

يمكنك الإطلاع علي شروط و أحكام ماني فيللوز من الموقع الرسمي للتطبيق .

• لا نقوم بدفع القسط الشهري في شهر القبض .
• رسوم توصيل العقد 100 جنيه في القاهرة و الجيزة و شبرا الخيمة و العبور و 150 جنيه في باقي المحافظات تدفع مرة واحدة أثناء زيارة مندوب توصيل العقد .
• فقط بصورة البطاقة يتم فتح الحد الإئتماني لك إلي 3000 جنيه شهرياً ، يعني تقدر تشترك لحد 36000 علي 12 شهر و ذلك للأدوار الأولي ، أما بالنسبة للأدوار من بعد المنتصف يتم زيادة هذا الحد إلي 100 ألف جنيه بالنسبة لإجمالي الأقساط المتبقية عليك من بعد شهر القبض ، و إذا أخترت الدور الأخير سيكون حدك الإئتماني مفتوح و لن تقوم بالتوقيع علي إيصال إلتزام السداد ، و إذا أردت زيادة الحد الإئتماني تقوم برفع بعض المستندات لزيادة هذا الحد بما يعادل 40% من الدخل الشهري ( سأوضح هذه النقطة في الملاحظات ) .
• المستخدمين الجدد غير متاح لهم الدور الأول إلا بعد الإنتهاء من أول جمعية لهم بالتطبيق .
• حين تقوم بتنزيل التطبيق و الإشتراك في أول جمعية ليك ، سيأتي إليك المندوب لإمضاء العقد ، لا تقوم بهذه الخطوة إلا بعد تحديد الخطة و المدة و المبلغ ( تذكر مثال التخطيط للإختيار ) .

تنقسم إلي :

1. جمعية

   و تكون المدد المتاحة بها 6 شهور و 10 شهور و 12 شهر و أقل قسط هو 250 جنيه و أقل قيمة قبض جمعية هى ال 3,000 جنيه و أكبر قيمة قبض جمعية من حيث المبلغ هى ال 120 ألف جنيه ، و متاح الإشتراك في أكتر من جمعية في نفس الوقت .

   حابب أوضحلك أن في رسوم إدارية مقابل الخدمة بيتم تحديدها حسب دورك في الجمعية و مدة الجمعية :

   • في جمعيات ال 12 شهر بتبدأ من 16% و بتقل تدريجيًا للدور الثالث و الرابع و الخامس و السادس و بتنتهي ب 0% للدور السابع و الثامن و التاسع .
   • في جمعيات ال 10 شهور بتبدأ من 14% و بتقل تدريجيًا للدور الثالث و الرابع و الخامس و بتنتهي ب 0% للدور السادس و السابع .
   • في جمعيات ال 6 شهور بتبدأ من 8% و بتقل تدريجيًا للدور الثالث و بتنتهي ب 0% للدور الرابع .
   الرسوم بيتم توزيعها بالتساوي على عدد أقساطك لحد شهر القبض و بيتم في شهر القبض خصم القسط الشهري و معاه آخر جزء من الرسوم الإدارية و بعد شهر القبض بتدفع القسط بس من غير أي رسوم .
   على سبيل المثال :
   إذا قمت بالإشتراك في جمعية بمبلغ 30 ألف جنيه علي مدة 10 شهور و القبض في الدور الثالث و إجمالي قيمة الرسوم 3000 ج ، الرسوم هتتوزع بالتساوي على الـ 3 شهور الأولي و بالتالي هيتم إضافة 1000 ج على كل قسط لأول 3 شهور بس من جمعيتك ، يعني هتدفع أول قسطين بقيمة 4000 ج و في الشهر الثالث سيتم خصم 4000 ج من إجمالي قيمة القبض و هي 30000 ج و بالتالي سيصل إليك المبلغ 26000 ج ، و من الشهر الرابع ستدفع 3000 ج بس .

   تفاصيل المدفوعات و القبض

   الشهر	قسط الجمعية
   الأول	4000 3000
   الثاني	4000 3000
   الثالث	شهر القبض
   إجمالي القبض	26000
   الرابع	3000
   الخامس	3000
   السادس	3000
   السابع	3000
   الثامن	3000
   التاسع	3000
   العاشر	3000

   لمعلومات أكتر عن الرسوم كاملة لجميع المدد أترك لنا تعليق علي صفحتنا علي الفيس بوك .

   و يوجد أدوار بدون رسوم بل بالعكس بيكون عليها خصومات توصل لحد 125% من قيمة القسط :

   • في جمعيات ال 12 شهر بيكون في خصم علي الأدوار من العاشر إلي الثاني عشر .
   • في جمعيات ال 10 شهور بيكون في خصم علي الأدوار من الثامن إلي العاشر .
   • في جمعيات ال 6 شهور بيكون في خصم علي الدور الخامس و السادس .
   خصم الأدوار الأخيرة بيكون متوزع على أول 4 شهور .

   يمكنك الإطلاع علي هذا المثال ، و كمان ممكن تشترك في أكتر من جمعية في نفس الوقت .

لمعلومات أكتر عن الخصومات كاملة لجميع المدد أترك لنا تعليق علي صفحتنا علي الفيس بوك .

2. تحويش

   يختلف نظام التحويش عن نظام الجمعيات في :

   1. أقل قسط ممكن تدفعه 125 ج .
   2. قبضك دائماً بيكون الدور الأخير .
   3. تحصل علي عائد دائماً في نهاية المدة .
   4. لا يوجد رسوم مطلقاً لأن قبضك دائماً في الدور الأخير .

   حيث يتم إختيار المبلغ من المبالغ المتاحة و هي ( 3 آلاف – 6 آلاف - 12 ألف - 30 ألف - 60 ألف - 100 ألف - 250 ألف - 500 ألف – مليون جنيه ) و نختار من المدد المتاحة ( 6 شهور و 12 شهر و 24 شهر ) ، و يتم دفع المبلغ بالتقسيط علي مدار هذه المدة ، و في نهاية المدة تحصل علي إجمالي ما دفعته بالإضافة إلي العائد اللى هو 5 % على ال 6 شهور – 10 % على ال 12 شهر - 20 % على ال 24 شهر ، يمكنك الإطلاع علي هذا المثال ، و كمان ممكن تشترك في أكتر من جمعية تحويش في نفس الوقت .

سن الإشتراك 21 سنة ، و بعد رفع البطاقة بيتم المراجعة خلال فترة قد تصل إلي 4 ساعات عمل ، و ممكن بعدها تنشئ رقم سري للحساب و تفعيل خاصية البصمة بمجرد ما يتم الموافقة علي البطاقة .

نزل التطبيق من هنا لتحصل علي كاش باك .

1. الكاش باك متاح لفترة محدودة .
2. تنزيل التطبيق من هنا .
3. الإشتراك يكون الدور الأخير في جمعية ال 10 شهور .
4. الإستمرار في الجمعية و عدم الخروج منها .
5. يتم صرف الكاش باك مرة واحدة و علي أول جمعية فقط .
6. صرف الكاش باك يكون في الشهر الخامس من جمعيتك .
7. يتحدد مبلغ الكاش باك بناءاً علي إجمالي مبلغ القبض :

   مثال علي الكاش باك

   إجمالي القبض	خصم التطبيق	كاش باك أكاديمية الفايدة
   9000	900	150
   30000	3000	500

8. في منتصف الشهر الرابع تقوم بترك رسالة على الخاص علي صفحتنا علي الفيس بوك لتأكيد البيانات .
9. لضمان خصوصيتك و مصداقيتنا سيتم عرض رسالة تحويل الكاش باك و لكن بدون ظهور الأسم .

بعد إشتراكك في أول جمعية لك :

1. المندوب هيتواصل معاك لتأكيد ميعاد التوقيع .
2. زيارة توقيع العقد هتكون في العنوان المسجل علي التطبيق .
3. المندوب هيأخد صورة ليك في زيارة التوقيع لمطابقة الهوية مع البطاقة المرفوعة علي حسابك .
4. هتستلم نسخة من العقد .
5. رسوم توصيل العقد 100 جنيه في القاهرة و الجيزة و شبرا الخيمة و العبور و 150 جنيه في باقي المحافظات تدفع مرة واحدة أثناء زيارة مندوب توصيل العقد .

• البطاقة البنكية ( و هنا تستخدم كارت الخصم المباشر أو كارت إئتمان ( يتم معاملة السحب من كارت الإئتمان كأنه مشتريات و ليس سحب نقدي ) التابع لحسابك البنكي و من داخل التطبيق تقوم بالدفع ) .
• ماكينة فوري أو تطبيق MyFawry ( تختار المالية و البنوك ثم ماني فيللوز ثم إدخال الرقم القومي و رقم الموبايل ) .
• أي محفظة إلكترونية في مصر ( لازم تكون متسجلة بإسمك ) .
• أي كارت مسبق الدفع .

• مواعيد دفع القسط بتبدأ من يوم 1 في الشهر لحد يوم 5 و بيكون ليك فترة سماح لحد يوم 10 في الشهر ، فحاول أن يكون الدفع في هذه الفترة لتجنب الغرامات .
• من يوم 11 بيتم تطبيق غرامة 5 % من قيمة القسط .
• و من يوم 16 بيتم إضافة 5 % تاني من قيمة القسط غرامة تأخير فستكون إجمالى الغرامات 10% .
• لو لحد يوم 24 لم تقوم بدفع القسط ، بيتم إلغاء إشتراكك في الجمعية ( و ذلك في حالة أنك لم تحصل علي القبض سأوضح هذه النقطة في الملاحظات ) .
• في نهاية الشهر ، بيتم تحويل ملفك للشئون القانونية و مش هتقدر تشترك في جمعية تانية في ماني فيللوز .

تقدر تختار وسيلة القبض المناسبة ليك من بين الطرق التالية للحصول علي قبض الجمعية في ميعادك ، و يجب أن تكون مسجلة بإسمك :

• تحويل بنكي علي الحساب البنكي ( و هذه هي الطريقة المفضلة لي ) .
• كارت مدفوع مقدماً ( الحد الأقصي 100 ألف جنيه ) .
• محفظة إلكترونية ( تطبق رسوم خدمة علي السحب من ATM ) .

يجب أن تكون عملية القبض بأي طريقة منهم علي حساب بإسمك ، و إلا قد يتم رفضها .

عادةً بيتم تحويل القبض خلال الفترة من يوم 15 إلي يوم 30 من شهر قبض الجمعية لأن القبض بيعتمد على دفع العملاء و هذه بتكون معاملات مالية و بنكية فليس هناك مقدرة لتحديد يوم معين للقبض .

و لكن يسعي التطبيق دائماً إلي إرسال القبض فى أسرع وقت ممكن لكل العملاء .

القبض بيوصل صافي بعد خصم كل من :

• قسط الشهر اللي قبضت فيه .
• باقي رسوم الجمعية ( لو متبقي رسوم ) .
• القسط الشهري لأي جمعية تانية أنت فيها ( إختياري ) .

قبض جمعيتك ممكن يتعلق لعدة أسباب منها :

• بطاقتك غير سارية .
• محتاج تختار طريقة القبض أو تضيف بيانات حسابك البنكي .
• محتاج توقع علي إيصال إلتزام السداد بقيمة أكبر ( لا تقلق سأوضح هذه النقطة في الملاحظات ) .

• رفع مستندات إضافية:

  كما ذكرنا سابقاً بصورة البطاقة سيكون حدك الإئتماني 3000 جنيه شهرياً و لكن بما أننا نعتمد علي قبض الدور الأخير في الخطط الإستثمارية متوسطة الأجل للإستفادة من الخصم سيكون حدك الإئتماني مفتوح ، و لكن إذا كنت تحتاج الأدوار الأولي و بمبلغ قبض أكثر من 36000 جنيه علي 12 شهر ستحتاج إلي رفع مستندات إثبات دخل إضافية ليزيد حدك الإئتماني و بالتالي يزيد مبلغ القبض ، مثل :

  1. إثبات دخل
     • خطاب موارد بشرية أو مفردات مرتب مختوم و ممضي منذ أقل من 3 شهور .
     • كشف حساب بنكي لآخر 3 شهور .
     و بيتم إحتساب نسبة 40 % بحد أقصى من صافى الدخل الخاص بك .

  لو تخطيت هذا الحد و تريد الإشتراك في جمعيات أكتر ؟
  بتقدر تدخل الأدوار التي بدون رسوم إدارية بدون حد أقصى ، بحيث يكون المبالغ المتبقية عليك من بعد شهر القبض لا تتعدى ال 100 ألف .
  مثال لو إشتركت فى جمعيات أدوار أولى بمبلغ قبض 36000 جنيه علي 12 شهر و أنت رافع البطاقة فقط ستكون وصلت إلي أقصي حد إئتماني متاح لك في الأدوار الأولى ، و لكن تستطيع الإشتراك في الأدوار التي بدون رسوم إدارية بشرط أن تكون المبالغ المتبقية عليك من بعد شهر القبض لا تتعدى ال 100 ألف .

  2. يوجد إثباتات أخري و لكن لا تزيد من حدك الإئتماني مثل :
     1. إثبات ملكية سيارة .
     2. فواتير السكن ( كهرباء - مياه - غاز ) منذ أقل من 3 شهور .
     3. إثبات عضوية النادي .
     4. إثبات عضوية نقابة .
• إحذر التلاعب في قيمة الدخل الشهري في خطاب الموارد البشرية ، لأن هذا سيؤثر علي قدرتك علي الإلتزام بسداد الأقساط الشهرية و هيتم رفض إشتراكك في الجمعية .

• بروموكود

  يقوم التطبيق في بعض الأوقات بعمل خصومات علي الرسوم الإدارية عن طريق ال بروموكود ، و لإستخدام ال بروموكود شروط مثل حد أدني لمبلغ الجمعية أو دور معين أو مدة معينة أو حد أقصي من إجمالي رسوم الجمعية ( راجع شروط ال بروموكود قبل إشتراكك في الجمعية ) .
  و لإستخدام ال بروموكود : ستختار المبلغ و المدة و الدور ثم في صفحة ملخص الجمعية هتضغط علي معاك بروموكود ؟ و هتكتب ال بروموكود و تختار تطبيق ثم تقوم بمراجعة تفاصيل الجمعية و تأكد أن الكود قد تم تطبيقه قبل تأكيد إشتراكك في الجمعية .

• جمعيات فقط

  إذا كان هدفك الجمعيات فقط و ليس هدفك الإستثمار و في نفس الوقت عدم دفع رسوم كثيرة سيكون أفضل طريقة الإشتراك في الأدوار من بعد المنتصف و تكون هذه الأدوار بدون رسوم و هذه الأدوار هي :
  1. الدور الرابع في جمعية 6 شهور .
  2. الدور السادس في جمعية 10 شهور .
  3. الدور السابع في جمعية 12 شهر .
  و هنا يجب أن يكون أقصي حد إئتماني للمبالغ المتبقية عليك من بعد شهر القبض فى الجمعيات لا يتعدى ال 100 ألف .

• الخروج من الجمعية

  يمكنك الخروج من الجمعية في أي وقت طالما لم تبدأ الجمعية ، و لكن إذا بدأت الجمعية الأفضل لك أن تكملها و لكن إذا أردت الخروج منها لأي سبب سيكون الوضع متوقف علي :

  1. قمت بدفع قسط أو مجموعة من الأقساط و لم يأتي دور القبض ، بيكون متاح 3 إختيارات :
     1. الإستلام بيكون نهاية الشهر التالي من شهر تقديم الطلب و بيتم خصم 5% رسوم على قيمة المبلغ المدفوع مع خصم المصاريف الإدارية التى كانت علي الدور الذي تم الإشتراك فيه ( إن وجدت ) و أى غرامات مستحقة الدفع .
     2. الإستلام بنهاية مدة الجمعية خلال أول 10 أيام عمل من الشهر التالى للشهر الأخير في الجمعية مخصوم منه المصاريف الإدارية ( إن وجدت ) و أى غرامات مستحقة .
     3. ترحيل المبلغ لدفع الأقساط في الجمعيات الأخرى ( إن وجدت ) مع خصم 5% من قيمة المبلغ مع خصم الرسوم الإدارية ( إن وجدت ) و أى غرامات مستحقة .
     و إستلام المبلغ بيكون من خلال ( محفظة إلكترونية أو حساب بنكي أو كارت مسبق الدفع ) .
  2. حصلت علي القبض في الأدوار الأولي و مازال عليك أقساط ، في يوم 21 من شهر الإمتناع عن الدفع سيتم تحويل الملف للشؤون القانونية ، بلاش كملها أحسن لأنك في حالات الأدوار الأولي بتمضي علي إيصال إلتزام سداد .

• إيصال إلتزام السداد

  1. بيضمن إلتزام العميل بدفع الأقساط بعد قبض جمعيته و هدفه التأكد من إلتزام كل المشتركين بدفع أقساطهم .
  2. بيكون بإجمالي الحد الإئتماني المتاح ليك عشان تقدر تدخل أي عدد من الجمعيات أو بالمبلغ المتبقي عليك بعد دور القبض .
  3. بعد إنتهاء كل الجمعيات تقدر تطلب إسترداد الإيصال .
  4. هل الإيصال بيعرض للمسائلة القانونية ؟

     ماني فيللوز بتقدم أطول فترة سماح ممكنه لدفع الأقساط ، و في حالة إصرار العميل علي عدم السداد ، يقوموا بإتخاذ إجراء قانوني يلزم العميل بالدفع بموجب العقد و إيصال إلتزام السداد الموقع عليه .

  

• دفع مسبق

  تقدر تدفع أقساط أي جمعية مقدماً لو عايز تخلص جمعية علشان تدخل جمعية ثانية في نفس الوقت ، و بنستخدم هذه الطريقة إذا كان حدك الإئتماني لا يسمح بالجمعية الجديدة .

  من القائمة الرئيسية أختار المدفوعات > أدفع مسبقاً > أختار الجمعية اللي عايز تدفع قسطها مقدماً > و أختار قسط أو مجموعة من الأقساط في هذه الجمعية لدفعهم .

• إلغاء إشتراكك

  يتم إلغاء إشتراكك في الجمعية في الحالات الآتية :

  1. إذا كانت الأوراق التي قمت برفعها مزورة .
  2. إذا نتج عن إستعلام إدارة الإئتمان تقييم سلبي لإلتزام العميل في السداد خاصة في الأدوار الأولي .
  3. إذا إمتنع أحد من أقارب الدرجة الأولي مثل ( أب - أم - أخ - زوجة - إبن ) عن دفع أقساط الجمعية و تم تحويل ملفه للشؤون القانونية .
  4. مع العلم أن إلغاء إشتراك العميل في الجمعية بيكون في حالات الضرورة القصوي ، لحماية حقوق جميع المستخدمين .
     و في حالة إلغاء الإشتراك ، بيتم رد كل الأقساط و المصاريف التي تم دفعها قبل ذلك بناءاً علي الخيارات التي تم ذكرها في بند الخروج من الجمعية .

• التواصل

  ممكن التواصل على رقم خدمة العملاء : 19686 و مواعيد العمل من الساعة 9:00 صباحاً حتى 6:00 مساءً .
  مواعيد الدردشة المباشرة بداخل التطبيق يومياً من الساعة 9:00 صباحاً حتي الساعة 10:00 مساءً .
  أو من خلال صفحة الفيس بوك الرسمية الخاصة بتطبيق ماني فيللوز من هنا كل يوم علي مدار 24 ساعة .

• التعاقد مع الشركات

  المستخدمين الجدد إذا كانوا يعملون بالشركات المتعاقدة مع التطبيق يستطيعون الإشتراك في الدور الأول و من أول جمعية لهم ، و أيضاً بيكون لهم خصومات مميزة ، و ممكن الحصول على إمتيازات إضافية مثل خصم القسط من الراتب أو زيادة الحد الأقصي للأقساط ، أمثلة للشركات المتعاقدة مع التطبيق :

  • بالم هيلز Palm Hills .
  • أبو غالي موتورز Abou Ghaly Motors .
  • وفرها waffarha .
  • راية Raya .
  • باي موب Paymob .
  • بريدفاست Breadfast .

  و إذا أرادت أي هيئة أو شركة أو مؤسسة بها على الأقل 50 موظف التعاقد مع التطبيق يتواصل موظف الموارد البشرية مع تطبيق ماني فيللوز من خلال هذا الإيميل .

• حصل تطبيق ماني فيللوز على تقييم جيد من المستخدمين ، حيث حصل على 4.2 من أصل 5 نجوم في متجر التطبيقات .
• أشاد المستخدمون بالتطبيق لسهولة إستخدامه و تنوع خدماته و الأمان الذي يوفره .
• وصل عدد المستخدمين إلي أكثر من 7 مليون منهم أكثر من نص مليون مستخدم نشط .
• إذا كنت تبحث عن طريقة سهلة و مريحة لتوفير المال ، فإن تطبيق ماني فيللوز هو خيار جيد لك .

1. الرسوم للأدوار الأولي مرتفعة نسبياً .
2. في حالة الخروج من الجمعية و لم يأتي دور القبض ، لكي تسترد ما دفعته من أقساط يطبق عليك غرامة 5 % من إجمالي الأقساط المدفوعة مع خصم الرسوم الإدارية ( إن وجدت ) أو تنتظر إلي إنتهاء الجمعية حتي تسترد ما دفعته من أقساط مع خصم الرسوم الإدارية ( إن وجدت ) .